ഇന്ത്യയിലാദ്യമായി തെരുവ് നായ്ക്കള്‍ക്കും മൈക്രോചിപ്പ്: പേവിഷബാധ നിയന്ത്രിക്കാന്‍ മാതൃകാപദ്ധതിയുമായി തലസ്ഥാന നഗരം

തെരുവ് നായ്ക്കളെ പിടികൂടി വാക്സിനേഷന്‍ നല്‍കിയ ശേഷം വന്ധ്യംകരിച്ച് മൈക്രോചിപ്പ് ഘടിപ്പിച്ച് തിരിച്ചുവിടും. നായയുടെ ചിത്രം സഹിതമുള്ള ഡാറ്റാബേസ് ചിപ്പില്‍ രേഖപ്പെടുത്തുകയും ചെയ്യും. കൂടാതെ പതിവായി നായ വിഹരിക്കുന്ന സ്ഥലവും ഉള്‍പ്പെടുത്തും. നായ്ക്കളെ നിരീക്ഷിക്കാന്‍ അഞ്ച് ഡോക്ടര്‍മാര്‍, അഞ്ച് വെറ്റിനറി അസിസ്റ്റന്‍റുമാര്‍, നായപിടുത്തക്കാര്‍, പരിശീലകര്‍ എന്നിവരടങ്ങുന്ന സംഘത്തെ തിരുവനന്തപുരം നഗരസഭ ചുമതലപ്പെടുത്തിയിട്ടുണ്ട്. വാര്‍ഡ് അടിസ്ഥാനത്തിലാണ് പദ്ധതി നടപ്പാക്കുന്നത്. ശസ്ത്രക്രിയയില്ലാതെ തൊലിയിലൂടെ കഴുത്തിനടിയില്‍ ഘടിപ്പിക്കാവുന്ന ബയോ കംപാക്ടബിള്‍ ഗ്ലാസ് സംവിധാനമുള്ള ചിപ്പുകളാണ് ഉപയോഗിക്കുന്നത്. അണുബാധയുണ്ടാകാതെ നായ്ക്കളുടെ ജീവിതാവസാനംവരെ ഇത് തൊലിക്കുള്ളിലുണ്ടാകും.

ഇന്ത്യയിലാദ്യമായി തെരുവ് നായ്ക്കള്‍ക്കും മൈക്രോചിപ്പ്: പേവിഷബാധ നിയന്ത്രിക്കാന്‍ മാതൃകാപദ്ധതിയുമായി തലസ്ഥാന നഗരം

തലസ്ഥാന നഗരത്തെ പേവിഷബാധ നിയന്ത്രിത മേഖലയാക്കാന്‍ നൂതന പദ്ധതിയുമായി തിരുവനന്തപുരം നഗരസഭ. വളര്‍ത്തുനായ്ക്കള്‍ക്കു പുറമേ, തെരുവ് നായ്ക്കളെയും വന്ധ്യംകരിച്ച് മൈക്രോചിപ്പ് ഘടിപ്പിക്കുന്ന പദ്ധതിയാണ് നടപ്പാക്കുന്നത്. ഇതിലൂടെ നായ്ക്കള്‍ക്ക് കൃത്യമായി പ്രതിരോധ കുത്തിവയ്പ്പിന് വിധേയമാക്കാനും പേവിഷബാധ നിയന്ത്രിക്കുകയുമാണ് ലക്ഷ്യം. ഇന്ത്യയില്‍ ആദ്യമായാണ് ഒരു നഗരസഭ ഇത്തരമൊരു പദ്ധതി നടപ്പാക്കുന്നത്.

വളര്‍ത്തുനായ്ക്കള്‍ക്ക് ലൈസന്‍സ് എടുക്കണമെന്ന നിയമം രാജ്യത്ത് നിലവിലുണ്ട്. എന്നാൽ ഇത് പാലിക്കപ്പെടുന്നില്ല എന്ന് പരാതിയുണ്ട്. ഈ അവസ്ഥമാറ്റി, രാജ്യത്തിനാകെ മാതൃകയാകാനൊരുങ്ങുകയാണ് തിരുവനന്തപുരം നഗരസഭ. ആരോഗ്യ സ്റ്റാന്‍റിങ് കമ്മിറ്റിക്കു കീഴില്‍ മൂന്ന് കോടി ചെലവഴിച്ചാണ് പദ്ധതി നടപ്പാക്കുന്നത്.

ഇനിമുതല്‍ ലൈസന്‍സ് ഇല്ലാതെ തിരുവനന്തപുരം നഗരത്തില്‍ നായ്ക്കളെ വളര്‍ത്താന്‍ അനുവദിക്കില്ല. ലൈസന്‍സ് ലഭിക്കണമെങ്കില്‍ പ്രതിരോധ കുത്തിവയ്പ്പ് എടുത്തശേഷം മൈക്രോചിപ്പ് ഘടിപ്പിക്കണമെന്ന വ്യവസ്ഥ നിര്‍ബന്ധം. അനുസരിക്കാത്തവര്‍ക്കെതിരേ നിയമ നടപടി സ്വീകരിക്കുകയും ചെയ്യും.റേഡിയോ ഫ്രീക്വന്‍സി ഐഡന്‍റിറ്റി (ആര്‍എസ്ഐഡി) നമ്പര്‍ ഉള്‍പ്പെടുത്തിയ മൈക്രോചിപ്പില്‍ നായ്ക്കളുടെ വിവരശേഖരം (ഡാറ്റാബേസ്) ഉള്‍പ്പെടുത്തും. നായയുടെ ചിത്രം പേര്, ഇനം ഉടമസ്ഥന്‍റെ പേര്, വിലാസം ലൈസന്‍സ് എടുത്ത ദിവസം പുതുക്കേണ്ട ദിവസം വാക്സിനേഷന്‍ എടുത്ത ദിവസം വീണ്ടും എടുക്കേണ്ട ദിവസം എന്നിവ ഡേറ്റാബേസില്‍ ഉള്‍പ്പെടുത്തും.


അടുത്ത വാക്സിന്‍ നല്‍കേണ്ടത് എന്നാണെന്ന് 15 ദിവസം മുമ്പ് നഗരസഭ അധികൃതര്‍ ഉടമസ്ഥനെ മൊബൈല്‍ ഫോൺ മെസേജിലൂടെ അറിയിക്കും.

വാക്സിനേഷന്‍ എടുക്കാതെയോ, ലൈസന്‍സ് പുതുക്കാതെയോ നായ്ക്കളെ വളര്‍ത്തുന്നവര്‍ക്കെതിരേ നിയമ നടപടി സ്വീകരിക്കാനും നഗരസഭ തീരുമാനിച്ചു. ഇനി മുതൽ തെരുവ് നായ്ക്കളെ പിടികൂടി വാക്സിനേഷന്‍ നല്‍കിയ ശേഷം വന്ധ്യംകരിച്ച് മൈക്രോചിപ്പ് ഘടിപ്പിച്ച് തിരിച്ചുവിടും. നായയുടെ ചിത്രം സഹിതമുള്ള ഡാറ്റാബേസ് ചിപ്പില്‍ രേഖപ്പെടുത്തുകയും ചെയ്യും. കൂടാതെ പതിവായി നായ വിഹരിക്കുന്ന സ്ഥലവും ഉള്‍പ്പെടുത്തും. നായ്ക്കളെ നിരീക്ഷിക്കാന്‍ അഞ്ച് ഡോക്ടര്‍മാര്‍, അഞ്ച് വെറ്റിനറി അസിസ്റ്റന്‍റുമാര്‍, നായപിടുത്തക്കാര്‍, പരിശീലകര്‍ എന്നിവരടങ്ങുന്ന സംഘത്തെ നഗരസഭ ചുമതലപ്പെടുത്തിയിട്ടുണ്ട്. വാര്‍ഡ് അടിസ്ഥാനത്തിലാണ് പദ്ധതി നടപ്പാക്കുന്നത്.

പദ്ധതിയുടെ ആദ്യഘട്ടത്തിന് ബുധനാഴ്ച തുടക്കമാകും. നെതര്‍ലാന്റ്സിൽ നിന്ന് ഇതിനാവശ്യമായ പതിനായിരം മൈക്രോചിപ്പുകള്‍ ഇ-ടെണ്ടര്‍ മുഖേന വാങ്ങിയിട്ടുണ്ട്. 35000 ചിപ്പുകളാണ് നഗരത്തിനാവശ്യം. 25500 വളര്‍ത്തുനായകളും 9500 തെരുവ് നായ്ക്കളും നഗരത്തിലുണ്ടെന്നാണ് കണക്ക്. ബാക്കി ചിപ്പുകള്‍ രണ്ടാംഘട്ടത്തില്‍ വാങ്ങും. ശസ്ത്രക്രിയയില്ലാതെ തൊലിയിലൂടെ കഴുത്തിനടിയില്‍ ഘടിപ്പിക്കാവുന്ന ബയോ കംപാക്ടബിള്‍ ഗ്ലാസ് സംവിധാനമുള്ള ചിപ്പുകളാണ് ഉപയോഗിക്കുന്നത്. അണുബാധയുണ്ടാകാതെ നായ്ക്കളുടെ ജീവിതാവസാനംവരെ ഇത് തൊലിക്കുള്ളിലുണ്ടാകുമെന്ന് പദ്ധതിയുടെ നിര്‍വഹണച്ചുമതലയുള്ള സീനിയര്‍ വെറ്റിനറി സര്‍ജന്‍ ഡോ. ഇ ജി പ്രേം ജയിന്‍ പറഞ്ഞു.

Read More >>