സൗത്ത് ലെെവ് ദിലീപിനൊപ്പം; ചീഫ് എഡിറ്ററുടേതാണ് സ്ഥാപനത്തിന്റെ നിലപാട്; വിയോജിച്ച് മാധ്യമ പ്രവർത്തകർ പുറത്തേയ്ക്ക്

ചീഫ് എഡിറ്റര്‍ സെബാസ്റ്റ്യന്‍പോളിന്റെ നയം അതെന്താണോ അതാണ് സൗത്ത് ലൈവ് എന്ന മാധ്യമത്തിന്റെ നയം എന്നാണ് മാനേജ്‌മെന്റിന്റെ വിശദീകരണം. ആക്രമിക്കപ്പെട്ട നടിയെ പിന്തുണയ്ക്കുന്നതിന് പകരം കുറ്റാരോപിതന്റെ മനുഷ്യാവകാശമാണ് ഉയര്‍ത്തിപ്പിടിക്കേണ്ടതെന്ന എഡിറ്റോറിയല്‍ നയംമാറ്റത്തോട് അതിശക്തമായി വിയോജിക്കുന്നതായി ഞങ്ങള്‍ മുഴുവന്‍ മാധ്യമപ്രവര്‍ത്തകരും യോഗത്തില്‍ എം ഡി സാജ് കുര്യനെയും സിഇഒയെയും അറിയിച്ചുവെന്ന് മാധ്യമ പ്രവർത്തകർ വ്യക്തമാക്കി.

സൗത്ത് ലെെവ് ദിലീപിനൊപ്പം; ചീഫ് എഡിറ്ററുടേതാണ് സ്ഥാപനത്തിന്റെ നിലപാട്; വിയോജിച്ച്  മാധ്യമ പ്രവർത്തകർ പുറത്തേയ്ക്ക്

നടിയെ ആക്രമിച്ച കേസിൽ നടൻ ദിലീപിനൊപ്പമാണെന്ന് വ്യക്തമാക്കി കഴിഞ്ഞ ദിവസം മുൻ സിപിഎെഎം എംപിയും ചീഫ് എഡിറ്ററുമായ സെബാസ്റ്റ്യൻ പോൾ എഴുതിയ ലേഖനമാണ് തങ്ങളുടെ നിലപാടെന്ന് സൗത്ത് ലൈവ് മാനേജ്മെന്റ് പ്രഖ്യാപിച്ചു. സൗത്ത് ലെെവിലെ 14 മാധ്യമ പ്രവർത്തകർ വിയോജിപ്പ് രേഖപെടുത്തി പുറത്തിറക്കിയ കുറിപ്പിലാണ് മാനേജ്മെന്റിന്റെ നിലപാട് വ്യക്തമാക്കുന്നത്.

ചീഫ് എഡിറ്റര്‍ സെബാസ്റ്റ്യന്‍പോളിന്റെ നയം അതെന്താണോ അതാണ് സൗത്ത് ലൈവ് എന്ന മാധ്യമത്തിന്റെ നയം എന്നാണ് മാനേജ്‌മെന്റിന്റെ വിശദീകരണം. ആക്രമിക്കപ്പെട്ട നടിയെ പിന്തുണയ്ക്കുന്നതിന് പകരം കുറ്റാരോപിതന്റെ മനുഷ്യാവകാശമാണ് ഉയര്‍ത്തിപ്പിടിക്കേണ്ടതെന്ന എഡിറ്റോറിയല്‍ നയംമാറ്റത്തോട് അതിശക്തമായി വിയോജിക്കുന്നതായി ഞങ്ങള്‍ മുഴുവന്‍ മാധ്യമപ്രവര്‍ത്തകരും യോഗത്തില്‍ എം ഡി സാജ് കുര്യനെയും സിഇഒയെയും അറിയിച്ചുവെന്ന് മാധ്യമ പ്രവർത്തകർ വ്യക്തമാക്കി. എന്‍ കെ ഭൂപേഷ്, സിപി സത്യരാജ്, മനീഷ് നാരായണന്‍, രഞ്ജിമ ആര്‍, നിര്‍മല്‍ സുധാകരന്‍, സികേഷ് ഗോപിനാഥ്, അജ്മല്‍ ആരാമം, ശ്യാമ സദാനന്ദന്‍, എയ്ഞ്ചല്‍ മേരി മാത്യു, ആല്‍ബിന്‍ എം യു. ശ്രിന്‍ഷ രാമകൃഷ്ണന്‍, റെയക്കാഡ് അപ്പു ജോര്‍ജ്ജ് ,നിര്‍മ്മലാ ബാബു, നിസാം ചെമ്മാട് എന്നിവരാണ് സ്ഥാപനത്തിന്റെ നിലപാടിനെതിരെ രം​ഗത്ത് വന്നത്.

മാധ്യമ പ്രവർത്തകരുടെ കുറിപ്പിന്റെ പൂർണ്ണ രൂപം:

നടി ആക്രമിക്കപ്പെട്ട കേസില്‍ സൗത്ത് ലൈവ് എഡിറ്റര്‍ ഇന്‍ ചീഫ് സെബാസ്റ്റ്യന്‍ പോള്‍ എഴുതിയ 'സഹാനുഭൂതി കുറ്റമല്ല, ദിലീപിന് വേണ്ടിയും ചോദ്യങ്ങള്‍ ഉണ്ടാകണം' - ലേഖനം(സെപ്തംബര്‍ 10) സൗത്ത് ലൈവ് എന്ന മാധ്യമ സ്ഥാപനത്തിന്റെ നിലപാടാണെന്ന് മാനേജ്മെന്റ് ഇന്ന് അറിയിച്ചിരിക്കുന്നു. ചീഫ് എഡിറ്ററുടെ ലേഖനത്തോട് വിയോജിപ്പുള്ളവര്‍ പുറത്തുപോകണം എന്ന സെബാസ്റ്റിയന്‍ പോളിന്റെ പ്രഖ്യാപനവും

സൗത്ത് ലൈവിന്റെ നിലപാടാണെന്ന് മാനേജ്‌മെന്റ് ഔദ്യോഗികമായി ജീവനക്കാരുടെ യോഗം വിളിച്ച് അറിയിച്ചിരിക്കുന്നു. മാനേജിംഗ് ഡയറക്ടര്‍ സാജ് കുര്യനും സി ഇ ഒ ജോഷി സിറിയക്കുമാണ് തീരുമാനം ഞങ്ങള്‍ ജീവനക്കാരെ അറിയിച്ചിരിക്കുന്നത്. ചീഫ് എഡിറ്റര്‍ സെബാസ്റ്റ്യന്‍ പോളിന്റെ നയം അതെന്താണോ അതാണ് സൗത്ത് ലൈവ് എന്ന മാധ്യമത്തിന്റെ നയം എന്നാണ് മാനേജ്‌മെന്റിന്റെ വിശദീകരണം.

ആക്രമിക്കപ്പെട്ട നടിയെ പിന്തുണയ്ക്കുന്നതിന് പകരം കുറ്റാരോപിതന്റെ മനുഷ്യാവകാശമാണ് ഉയര്‍ത്തിപ്പിടിക്കേണ്ടതെന്ന എഡിറ്റോറിയല്‍ നയംമാറ്റത്തോട് അതിശക്തമായി വിയോജിക്കുന്നതായി ഞങ്ങള്‍ മുഴുവന്‍ മാധ്യമപ്രവര്‍ത്തകരും യോഗത്തില്‍ എം ഡി സാജ് കുര്യനെയും സിഇഒയെയും അറിയിച്ചു. സൗത്ത് ലൈവിന്റെ നിലപാട് അറിയിച്ച് മറ്റ് മാധ്യമങ്ങള്‍ക്ക് നല്‍കിയ അഭിമുഖങ്ങളില്‍ അദ്ദേഹം സഹപ്രവര്‍ത്തകരുടെ ആത്മാഭിമാനം ചോദ്യം ചെയ്യുന്ന തരത്തില്‍ നടത്തിയ ചില പരാമര്‍ശങ്ങളിലുള്ള കടുത്ത വിയോജിപ്പും മാനേജ്‌മെന്റിനെ എല്ലാ ജീവനക്കാരും അറിയിച്ചു. എക്സിക്യൂട്ടീവ് എഡിറ്റര്‍ എന്‍ കെ ഭൂപേഷ്, സീനിയര്‍ എഡിറ്റര്‍ സി പി സത്യരാജ് , അസോസിയേറ്റ് എഡിറ്റര്‍ മനീഷ് നാരായണന്‍ എന്നിവര്‍ സെബാസ്റ്റ്യയന്‍ പോളിന്റെ നിലപാടുകള്‍ക്ക് വേണ്ടി, സൗത്ത് ലൈവ് എന്ന മാധ്യമത്തിന്റെ വിശ്വാസ്യത ഇല്ലാതാക്കുന്ന നടപടിയെ വിമര്‍ശിച്ചു.

വനിതാ മാധ്യമപ്രവര്‍ത്തകര്‍ അടക്കമുള്ള യോഗത്തിലാണ് സെബാസ്റ്റ്യന്‍ പോളിന്റെ മനുഷ്യത്വ വിരുദ്ധ നിലപാടുകളാണ് സ്ഥാപനത്തിന്റെതെന്ന നിലപാട് ഇവര്‍ ആവര്‍ത്തിച്ചത്. മാനേജ്‌മെന്റിന്റെ നിലപാടിനോട് യോജിക്കാത്തവര്‍ക്കെതിരെ നടപടിയെടുക്കൂ എന്ന് യോഗത്തില്‍ ഒന്നടങ്കം ആവശ്യപ്പെട്ടു. കടുത്ത സ്ത്രീവിരുദ്ധതയും വ്യക്തിവിദ്വേഷവും പ്രതിഫലിക്കുന്ന മനുഷ്യത്വവിരുദ്ധമായ ഈ ലേഖനം കേരള സമൂഹം ചര്‍ച്ച ചെയ്ത് തള്ളികളഞ്ഞിട്ടും ആ ലേഖനത്തിലെ നിലപാടുകളാണ് സൗത്ത് ലൈവിന്റെ തുടര്‍നയമെന്ന് പ്രഖ്യാപിച്ചിരിക്കുകയാണ് മാനേജ്‌മെന്റ്. ഈ നിലപാടിനെ അംഗീകരിക്കാന്‍ ഞങ്ങള്‍ തയ്യാറല്ല. നടിയെ ആക്രമിച്ചവര്‍ക്കും ആസൂത്രണം ചെയ്തവര്‍ക്കും അനുകൂലമായി സഹതാപതരംഗം സൃഷ്ടിക്കാനുള്ള ശ്രമത്തിനിടയിലും കുറ്റക്കാര്‍ ശിക്ഷിക്കപ്പെടുമെന്ന് തന്നെയാണ് ഞങ്ങളുടെ പ്രതീക്ഷ...

എന്‍ കെ ഭൂപേഷ്

സിപി സത്യരാജ്

മനീഷ് നാരായണന്‍

രഞ്ജിമ ആര്‍

നിര്‍മല്‍ സുധാകരന്‍

സികേഷ് ഗോപിനാഥ്

അജ്മല്‍ ആരാമം

ശ്യാമ സദാനന്ദന്‍

എയ്ഞ്ചല്‍ മേരി മാത്യു

ആല്‍ബിന്‍ എം യു

ശ്രിന്‍ഷ രാമകൃഷ്ണന്‍

റെയക്കാഡ് അപ്പു ജോര്‍ജ്ജ്

നിര്‍മ്മലാ ബാബു

നിസാം ചെമ്മാട്

Read More >>