കൊച്ചി നഗരത്തിൽ യുവതിയെ കഴുത്തറുത്തു കൊല്ലാൻ ശ്രമം; പ്രതിക്കായി തെരച്ചിൽ ഊർജിതമാക്കി

ഇന്നുരാവിലെ 6.45ഓടെ കലൂരിൽവച്ച് ഓട്ടോ തടഞ്ഞുനിർത്തിയായിരുന്നു അതിക്രമം. കൃത്യം നടത്തിയ ശേഷം ഇയാൾ ബൈക്കിൽ രക്ഷപെട്ടു. കഴുത്തിനു പിന്നിലും തുടയിലും വെട്ടേറ്റ യുവതിയെ ​ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.

കൊച്ചി നഗരത്തിൽ യുവതിയെ കഴുത്തറുത്തു കൊല്ലാൻ ശ്രമം; പ്രതിക്കായി തെരച്ചിൽ ഊർജിതമാക്കി

കൊച്ചി ന​ഗരത്തിൽ യുവതിയെ കഴുത്തറുത്തു കൊല്ലാൻ ശ്രമം. കോതമം​ഗലം നെല്ലിമറ്റം സ്വദേശിനി ചിത്തിരയ്ക്കു നേരെയാണ് ആക്രമണം ഉണ്ടായത്. ബൈക്കിലെത്തിയ കോതമം​ഗലം സ്വദേശി ശ്യാമാണ് യുവതിയുടെ കഴുത്തിനു വെട്ടിയത്.

ഇന്നുരാവിലെ 6.45ഓടെ കലൂരിൽവച്ച് ഓട്ടോ തടഞ്ഞുനിർത്തിയായിരുന്നു അതിക്രമം. കൃത്യം നടത്തിയ ശേഷം ഇയാൾ ബൈക്കിൽ രക്ഷപെട്ടു. കഴുത്തിനു പിന്നിലും തുടയിലും വെട്ടേറ്റ യുവതിയെ ​ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.

കലൂരിലെ ഒരു സ്വകാര്യ ലബോറട്ടറിയിലെ ജീവനക്കാരിയായ യുവതിയും പെയിന്റിങ് തൊഴിലാളിയായ യുവാവും മുൻ പരിചയക്കാരാണ്. പ്രണയനൈരാശ്യമാണ് ആക്രമണത്തിനു പിന്നിലെന്നാണ് പൊലീസ് സംശയിക്കുന്നത്.

ഇയാൾ യുവതിയോട് വിവാഹാഭ്യർത്ഥന നടത്തിയിരുന്നതായി പൊലീസ് അറിയിച്ചു. പ്രതി ശ്യാമിനായി പൊലീസ് തെരച്ചിൽ ഊർജിതമാക്കി.