ശബരിമലയിൽ കുട്ടികളെ കവചമായി ഉപയോഗിച്ചവർക്കെതിരെ നടപടിയെടുക്കണമെന്ന് ബാലാവകാശ കമ്മീഷൻ
| Updated On: 7 Dec 2018 2:46 AM GMT | Location : ശബരിമല
ഇതേക്കുറിച്ച് വിശദമായ അന്വേഷണം നടത്തണമെന്നും കമ്മീഷന്‍ ഡിജിപിയോട് നിർദേശിച്ചു.
ശബരിമലയിൽ നടന്ന പ്രതിഷേധങ്ങളിൽ കുട്ടികളെ കവചമായി ഉപയോഗിച്ചവർക്കെതിരെ നടപടി എടുക്കണമെന്ന് ബാലാവകാശ കമ്മീഷൻ. ഇത് ബാലാവകാശ നിയമത്തിന്റെ ലംഘനമാണെന്നും ഇതേക്കുറിച്ച് വിശദമായ അന്വേഷണം നടത്തണമെന്നും കമ്മീഷന്‍ ഡിജിപിയോട് നിർദേശിച്ചു.
കുട്ടികളെ സമരത്തിന് ഇറക്കിയത് രക്ഷിതാക്കളാണെങ്കില്‍ അവര്‍ക്കെതിരെയും നടപടി വേണമെന്നും ബാലവകാശ കമ്മീഷന്‍ അധ്യക്ഷന്‍ പി.സുരേഷ് പറഞ്ഞു. അതേസമയം, നിരോധനാജ്ഞ ലംഘിച്ചു പ്രതിഷേധം നടത്തിയതിന് രക്ഷിതാവിനൊപ്പം കുട്ടിയേയും കസ്റ്റഡിയിൽ എടുത്ത സംഭവം ശ്രദ്ധയിൽപ്പെട്ടിട്ടില്ലെന്ന് പറഞ്ഞ ബാലാവകാശകമ്മീഷൻ, വിഷയത്തില്‍ തുടര്‍നടപടികള്‍ സ്വീകരിക്കേണ്ടത് സംസ്ഥാന പൊലീസാണെന്നും വ്യക്തമാക്കി.
