ബാങ്കുകളുടെ അയിത്തം മറികടക്കാൻ ബണി ടോക്കൺ അവതരിപ്പിച്ച് രതിചിത്ര വ്യവസായം; സൈബർ കറൻസി വിനിമയം വിപ്ലവവത്കരിച്ച് ലോകത്തെ ഏറ്റവും വരുമാനമുള്ള മേഖല

ബണി ടോക്കൺ എന്ന ഓൺലൈൻ കറൻസിയാണ് രതി ചിത്ര സൈറ്റുകൾക്കായി മാത്രം വികസിപ്പിക്കപ്പെട്ടത്. ബണി ടോക്കൺ ഉപയോ​ഗിച്ച് സൈറ്റുകളിലേക്ക് കടക്കാൻ കഴിയും. അതുവഴി വീഡിയോ കാണാനും സ്വകാര്യത സൂക്ഷിക്കാനും കഴിയും.

ബാങ്കുകളുടെ അയിത്തം മറികടക്കാൻ ബണി ടോക്കൺ അവതരിപ്പിച്ച് രതിചിത്ര വ്യവസായം; സൈബർ കറൻസി വിനിമയം വിപ്ലവവത്കരിച്ച് ലോകത്തെ ഏറ്റവും വരുമാനമുള്ള മേഖല

ലോകത്തെ ഏറ്റവും വരുമാനം ഉള്ള വ്യവസായമാണ് പോൺ. ആറര ലക്ഷം കോടി രൂപയാണ് രതിചിത്രവ്യവസായത്തിന്റെ വാർഷിക വരുമാനം. അതായത് ആ​ഗോള കുത്തകകളായ ഫെയ്സ്ബുക്ക്, നൈക്കി, മക്ഡോണൾഡ്സ് എന്നിവയുടെ വരുമാനം കൂട്ടിയാൽ കിട്ടുന്നതിലും അധികം. ഇത്രയും പണം ഉത്പാദിപ്പിച്ചിട്ടും ലോകമെങ്ങും ബാങ്കുകൾ ഈ വ്യവസായത്തോട് പുറം തിരിഞ്ഞു നിൽക്കുകയാണ്. സദാചാരമാണ് ബാങ്കുകളുടെ ഈ അയിത്തത്തിന് കാരണം. ബാങ്കുകളും ധനകാര്യ സ്ഥാപനങ്ങളും പുറം തിരിഞ്ഞ് നിൽക്കുന്നത് കാരണം ട്യൂബ് സൈറ്റുകളിലും, ഡേറ്റിം​ഗ് സൈറ്റിം​ഗുകളും, വൈബ്ക്യാം സൈറ്റുകളിലും പണമടച്ച് സേവനം വാങ്ങാൻ ഉപഭോക്താവിന് സാധിക്കാറില്ല. ഉപഭോക്താവിന്റെ സ്വകാര്യതയും പലപ്പോഴും സംരക്ഷിക്കപ്പെടാറില്ല. ഈ സാഹചര്യത്തിലാണ് ഓൺലൈൻ കറൻസി എന്ന ആശയം ഉടലെടുത്തത്. ബണി ടോക്കൺ എന്ന ഓൺലൈൻ കറൻസിയാണ് രതി ചിത്ര സൈറ്റുകൾക്കായി മാത്രം വികസിപ്പിക്കപ്പെട്ടത്. ബണി ടോക്കൺ ഉപയോ​ഗിച്ച് സൈറ്റുകളിലേക്ക് കടക്കാൻ കഴിയും. അതുവഴി വീഡിയോ കാണാനും സ്വകാര്യത സൂക്ഷിക്കാനും കഴിയും.

ബണി ടോക്കൺ ഉടൻ തന്നെ ഒരു മുഖ്യധാരാ പണമിടപാട് സാധ്യതയായി മാറുമെന്നാണ് ബണി ടോക്കൺ സഹസ്ഥാപകനും കമ്പനി സിഇഒയുമായ അലക്സാണ്ടർ മാസ്ലോവ് പറയുന്നത്. മാർച്ച് 13 ന് ആരംഭിച്ച ബണി ടോക്കൺ സെയിൽ മെയ് മാസം 25 വരെ നടക്കും. അങ്ങേയറ്റം ശ്രദ്ധയോടെ രൂപകൽപ്പന ചെയ്ത ക്രിപ്റ്റോ കറൻസിയാണ് ബണി ടോക്കൺ എന്ന് കമ്പനി അവകാശപ്പെടുന്നു. നിലവിൽ ബിറ്റ്കോയിൻ ഉണ്ടെങ്കിലും ഭാവിയിൽ സൈബർ കറന്സി രം​ഗത്തുണ്ടാവാൻ പോവുന്ന വിപ്ലവകരമായ മാറ്റത്തിന്റെ നാന്ദിയായിരിക്കും ബണി ടോക്കൺ കുറിക്കുക.





Read More >>