പൊട്ടു തൊട്ടു, തട്ടമിട്ടില്ല: അസ്നിയയുടെ മുഖത്ത് ആസിഡ് ഒഴിക്കുമെന്ന് പരസ്യ ഭീഷണി

സദാചാര ഗുണ്ടകള്‍ക്കെതിരെ നിലപാടെടുക്കുകയും കേസുമായി മുന്നോട്ടു പോവുകയും ചെയ്യുന്ന അസ്നിയയ്ക്കു നേരെ മുനീര്‍ ധീരയെന്നയാളാണ് ഭീഷണി മുഴക്കിയത്.

പൊട്ടു തൊട്ടു, തട്ടമിട്ടില്ല: അസ്നിയയുടെ മുഖത്ത് ആസിഡ് ഒഴിക്കുമെന്ന് പരസ്യ ഭീഷണി

എഴുത്തുകാരിയും ദളിത് ആക്ടിവിസ്റ്റുമായ രേഖരാജ്, നടനും പാട്ടുകാരനുമായ ഊരാളി ബാന്‍ഡിലെ മാര്‍ട്ടിന്‍, കഥാകൃത്ത് ലാസര്‍ ഷൈന്‍ എന്നിവരോടൊത്ത് തൃശൂര്‍ സാഹിത്യ അക്കാഡമി മുറ്റത്ത് ഇരിക്കുന്ന ചിത്രം ഫേസ്ബുക്ക് കവറായി അസ്നിയ പോസ്റ്റ് ചെയ്തിരുന്നു. 2017 ഫെബ്രുവരി 16ന് പോസ്റ്റ് ചെയ്ത ഈ ചിത്രത്തിലെ കമന്റ് ബോക്സില്‍ അസിനിയയ്ക്കു നേരെ പലവിധ ഭീഷണികളുണ്ട്. എന്നാല്‍ ആക്രമണ ഭീഷണി പരസ്യമായി മുഴക്കിയത് ഇക്കഴിഞ്ഞ മാര്‍ച്ച് രണ്ടിനാണ്.


മുനീര്‍ ധീര എന്നയാളാണ് 'ഇവള്‍ വേണേല്‍ ഇവളുടെ ഇഷ്ടത്തിന് ജീവിച്ചോട്ടെ പെറ്റ തള്ളക്കും തന്തക്കും. ഒന്നുമില്ലേല്‍ പിന്നെ നമുക്കെന്താ. പക്ഷെ ഇസ്ലാമിനെതിരെ കുരച്ചാല്‍. ഇവളുടെയൊക്കെ മുഖത്തു ആസിഡ് ഒഴിക്കണം. മുഖം വികൃതമാവുംബ്ബോ. ഇവളുടെ ശരീരം ഒട്ടി നടക്കാന്‍ ആളുണ്ടാകുമോ എന്നറിയാലോ'- എന്ന് ഭീഷണി മുഴക്കിയത്. ഈ ഭീഷണിക്കെതിരി അജ്നാസ് എന്നയാള്‍ പ്രതിഷേധിക്കുന്നുണ്ട്. ആസിഡൊഴിക്കാന്‍ നീയിങ്ങു വാ കാണിച്ചു തരാമെന്നാണ് അജ്നാസിന്റെ പ്രതികരണം. നിന്നോട് സമ്മതം വാങ്ങിയല്ലല്ലോ ഒഴിക്കുന്നതെന്നും നിന്റെ മുറപ്പെണ്ണാടോടാ ആ നായിന്റെ മോള്‍- എന്നു മുനീര്‍ ഭീഷണി ആവര്‍ത്തിക്കുന്നു.

ശരത് രാജെന്നയാളും എതിര്‍പ്പുയര്‍ത്തുന്നുണ്ട്. അവള്‍ എന്റെ ശത്രുവല്ല ഇസ്ലാമിന്റെ ശത്രുവാണ് എന്നാണ് അതിനു മുനീര്‍ നല്‍കുന്ന മറുപടി. മാഹീലെ പെമ്പിള്ളേരെ കണ്ട്ക്കാ- എന്ന പാട്ടിലൂടെ വൈറലായി മാറിയ പാട്ടുകാരിയാണ് അസ്നിയ. ഡിഗ്രിക്കു പഠിക്കുമ്പോഴായിരുന്നു തമാശയ്ക്ക് പാടിയ പാട്ട് വാട്ട്സപ്പില്‍ ഹിറ്റായത്.



ബാംഗ്ലൂരില്‍ നിയമ വിദ്യാര്‍ത്ഥിനിയായ അസ്നിയ യാത്രകള്‍ നടത്തുന്നതും സുഹൃത്തുക്കളോടൊന്നിച്ചുള്ള ചിത്രങ്ങള്‍ ഫേസ്ബുക്കില്‍ ഇടുന്നതും പതിവാണ്. നാദാപുരത്തുള്ള വീട്ടിലെത്തി ഇതിന്റെ പേരില്‍ ഭീഷണികളുയര്‍ന്നിരുന്നു. പ്രാദേശിക വാട്ട്സപ്പ് ഗ്രൂപ്പുകളില്‍ ഈ ചിത്രങ്ങള്‍ മാനക്കേടുണ്ടാക്കുന്ന കമന്റുകളോടെ പ്രചരിപ്പിച്ചതോടെ പ്രതികരണവുമായി അസ്നിയ ഫേസ്ബുക്കില്‍ നേരിട്ടെത്തി.
ഇന്ത്യന്‍ യൂണിയന്‍ മുസ്ലിം ലീഗിന്റെയടക്കം പ്രാദേശിക നേതൃത്വത്തെ പേരെടുത്തു പറഞ്ഞായിരുന്നു വിമര്‍ശനം. അസ്നിയ പരസ്യപ്രതികരണം നടത്തിയതോടെ മതവാദികള്‍ സൈബര്‍ അക്രമണം ആരംഭിച്ചു. അസ്നിയ സദാചാര ഗുണ്ടായിസത്തിനും ഭീഷണിക്കുമെതിരെ പൊലീസില്‍ പരാതി നല്‍കിയിട്ടുണ്ട്.

നിലവില്‍ വ്യക്തമായ തെളിവുകളോടെ നല്‍കിയ പരാതിയുടെ കാര്യത്തില്‍ പൊലീസ് നടപടി എടുത്തിട്ടില്ല. ഇന്‍ബോക്‌സില്‍ പലവിധ വധഭീഷണികള്‍ വരുന്നുണ്ട്. മതത്തിന്റെ പേരിലാണ് ഭീഷണി. ഇപ്പോള്‍ ആസിഡ് ഭീഷണിയാണ്. ഇതൊരു ഭീഷണിമാത്രമായി കാണാനാവില്ല. ഇതൊക്കെ ചെയ്യുന്നവരുമാണല്ലോ. ഭയന്നു ജീവിക്കാനോ അവര്‍ പറയുന്നത് അനുസരിക്കാനോ എന്നെ കിട്ടില്ല- അസ്‌നിയ പറയുന്നു

Read More >>