ചെന്നൈയില്‍ 7 വയസുകാരിയെ ബലാല്‍സംഗം ചെയ്തുകൊന്നു; മൃതദേഹം കത്തിച്ച് ബാഗിലാക്കി റോഡരികില്‍ ഉപേക്ഷിച്ചു

സംഭവവുമായി ബന്ധപ്പെട്ട് അറസ്റ്റിലായ 32കാരന്റെ മൊബൈലില്‍ കുട്ടികള്‍ ഉള്‍പ്പെടുന്ന ലൈംഗിക ദൃശ്യങ്ങളുടെ വീഡിയോ ഉണ്ടായിരുന്നതായി പോലീസ് പറഞ്ഞു.

ചെന്നൈയില്‍ 7 വയസുകാരിയെ ബലാല്‍സംഗം ചെയ്തുകൊന്നു; മൃതദേഹം കത്തിച്ച് ബാഗിലാക്കി റോഡരികില്‍ ഉപേക്ഷിച്ചു

മൂന്നാം ക്ലാസ് വിദ്യാര്‍ത്ഥിനിയെ ബലാല്‍സംഗം ചെയ്ത ശേഷം ശ്വാസം മുട്ടിച്ചുകൊന്ന് ശരീരം കത്തിച്ച് ബാഗിലാക്കി റോഡരികില്‍ ഉപേക്ഷിച്ചു. ഞായറാഴ്ച ചെന്നൈയിലാണ് സംഭവം. സംഭവവുമായി ബന്ധപ്പെട്ട് ദുഷ്യന്ത് എന്ന 32കാരനെ പോലീസ് അറസ്റ്റുചെയ്തു. ഇതേത്തുടര്‍ന്ന് ചെന്നൈയില്‍ സംഘര്‍ഷം ഉടലെടുത്തിട്ടുണ്ട്. പെണ്‍കുട്ടിക്ക് നീതി ലഭിക്കണമെന്നാവശ്യപ്പെട്ട് നഗരത്തില്‍ ഫ്‌ളക്‌സ് ബോര്‍ഡുകള്‍ ഉയര്‍ന്നിട്ടുണ്ട്. മുഗളിവാക്കത്തെ സ്വന്തം വീടിനരികെ കളിച്ചുകൊണ്ട് നില്‍ക്കെയാണ് ദുഷ്യന്ത് കളിപ്പാട്ടം കാണിച്ച് കുട്ടിയെ തട്ടിക്കൊണ്ടു പോയത്.

ബലാല്‍സംഗത്തിനിടെ കുട്ടി കരഞ്ഞപ്പോഴാണ് ഇയാള്‍ ശ്വാസംമുട്ടിച്ചത്. തുടര്‍ന്ന് കുട്ടി മരിച്ചെന്ന് മനസിലാക്കിയ ഇയാള്‍ മൃതദേഹം കത്തിച്ച് പല കഷണങ്ങളാക്കി ബാഗില്‍ നിറച്ച് റോഡരികില്‍ ഉപേക്ഷിച്ചു. ദുഷ്യന്തിന്റെ മൊബൈല്‍ ഫോണില്‍ കുട്ടികള്‍ ഉള്‍പ്പെടുന്ന ലൈംഗിക ദൃശ്യങ്ങളുടെ വീഡിയോകള്‍ കണ്ടെത്തിയതായി പോലീസ് പറഞ്ഞു. മെക്കാനിക്കല്‍ ഡിപ്ലോമ ബിരുദധാരിയായ ഇയാള്‍ പെണ്‍കുട്ടിയുടെ വീടിന് സമീപമാണ് താമസിക്കുന്നത്.

Read More >>