ബിസിസിഐ അധ്യക്ഷ സ്ഥാനത്തു നിന്നു അനുരാഗ് ഠാക്കൂറിനെ സുപ്രീംകോടതി പുറത്താക്കി

അനുരാഗ് ഠാക്കൂര്‍ സമര്‍പ്പിച്ചത് വ്യാജ സത്യവാങ്മൂലമാണെന്നു കോടതി കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് നടപടി. ക്ഷമാപണം നടത്തിയില്ലെങ്കില്‍ ജയിലില്‍ പോകേണ്ടി വരുമെന്ന് കോടതി മുന്നറിയിപ്പ് നല്‍കിയിരുന്നു. അനുരാഗ് ഠാക്കൂറിന് കോടതി കാരണം കാണിക്കല്‍ നോട്ടീസ് അയച്ചിട്ടുണ്ട്.

ബിസിസിഐ അധ്യക്ഷ സ്ഥാനത്തു നിന്നു അനുരാഗ് ഠാക്കൂറിനെ സുപ്രീംകോടതി പുറത്താക്കി

ന്യൂഡല്‍ഹി: ബിസിസിഐ അധ്യക്ഷ സ്ഥാനത്തു നിന്നും അനുരാഗ് ഠാക്കൂറിനെ സുപ്രീംകോടതി നീക്കി. സെക്രട്ടറി അജയ് ഷിര്‍കയെയും തല്‍ സ്ഥാനത്തു നിന്നും നീക്കിയിട്ടുണ്ട്. അനുരാഗ് ഠാക്കൂറിനോട് ഇന്നു തന്നെ ഓഫീസ് ഒഴിയാന്‍ കോടതി ആവശ്യപ്പെട്ടു. ജസ്റ്റിസ് ഠാക്കൂര്‍ അധ്യക്ഷനായ ബഞ്ചിന്റേതാണ് നടപടി.

അനുരാഗ് ഠാക്കൂര്‍ സമര്‍പ്പിച്ചത് വ്യാജ സത്യവാങ്മൂലമാണെന്നു കോടതി കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് നടപടി. ക്ഷമാപണം നടത്തിയില്ലെങ്കില്‍ ജയിലില്‍ പോകേണ്ടി വരുമെന്ന് കോടതി മുന്നറിയിപ്പ് നല്‍കിയിരുന്നു. അനുരാഗ് ഠാക്കൂറിന് കോടതി കാരണം കാണിക്കല്‍ നോട്ടീസ് അയച്ചിട്ടുണ്ട്.


ബിസിസിഐയില്‍ ജസ്റ്റിസ് ലോധ കമ്മിറ്റി നടപ്പാക്കേണ്ട മാറ്റങ്ങളെ സംബന്ധിച്ച വാദങ്ങള്‍ക്കിടെയാണ് കോടതിയുടെ പരാമര്‍ശം. ബിസിസിഐയുടെ സാമ്പത്തിക ഇടപാടുകള്‍ പരിശോധിക്കാന്‍ സിഎജിയെ നിയമിക്കണമെന്നും ലോധ കമ്മിറ്റി ശുപാര്‍ശ ചെയ്തിരുന്നു. എന്നാല്‍ ഇതിനെതിരെ ഐസിസിയുടെ കത്ത് ആവശ്യപ്പെട്ടതാണ് ഠാക്കൂറിന് തിരിച്ചടിയായത്. ഇത്തരമൊരു കത്ത് ആവശ്യപ്പെട്ടില്ലെന്നു ഠാക്കൂര്‍ കോടതിയില്‍ സത്യവാങ്മൂലം നല്‍കി. എന്നാല്‍ കത്ത് ആവശ്യപ്പെട്ടകാര്യം ഐസിസി ചെയര്‍മാന്‍ ശശാങ്ക് മനോഹര്‍ വെളിപ്പെടുത്തി.

Read More >>