ഇന്ത്യാ- പാക്ക് സംഘര്‍ഷം; മധ്യസ്ഥതയ്ക്ക് തയ്യാറെന്ന് യുഎന്‍

ഇരു രാജ്യങ്ങളും അംഗീകരിക്കുകയാണെങ്കില്‍ കശ്മീര്‍ അടക്കമുള്ള വിഷയങ്ങളില്‍ സമാധാനം സൃഷ്ടിക്കുന്നതിനു നയതന്ത്ര ചര്‍ച്ചകള്‍ നടത്താന്‍ തയാറാണ് ബാന്‍ കി മൂണ്‍ വ്യക്തമാക്കി

ഇന്ത്യാ- പാക്ക് സംഘര്‍ഷം; മധ്യസ്ഥതയ്ക്ക് തയ്യാറെന്ന് യുഎന്‍

ന്യൂയോര്‍ക്ക്: ഇന്ത്യ പാക്ക് സംഘര്‍ഷം പരിഹരിക്കാന്‍ മധ്യസ്ഥതയ്ക്കു തയാറാണെന്നു യുഎന്‍ സെക്രട്ടറി ജനറല്‍ ബാന്‍ കി മൂണ്‍. ഇരു രാജ്യങ്ങളും തമ്മില്‍ ഉടലെടുത്തിരിക്കുന്ന സംഘര്‍ഷം പരിഹരിക്കാന്‍ ഉടന്‍ നടപടിയുണ്ടാകണമെന്ന് അദ്ദേഹം ആവശ്യപ്പെട്ടു.

ഇന്ത്യയും പാക്കിസ്ഥാനും തമ്മില്‍ ഇപ്പോഴുണ്ടായിരിക്കുന്ന സംഘര്‍ഷത്തില്‍ അതീവ ആശങ്കയുണ്ട്. സെപ്റ്റംബര്‍ 18ലെ ഉറി ആക്രമണവും നിയന്ത്രണ രേഖയിലെ വെടിനിര്‍ത്തല്‍ കരാര്‍ ലംഘനവുമെല്ലാം ആശങ്കയുളവാക്കുന്നതാണ്. ഇരു രാജ്യങ്ങളും അംഗീകരിക്കുകയാണെങ്കില്‍ കശ്മീര്‍ അടക്കമുള്ള വിഷയങ്ങളില്‍ സമാധാനം സൃഷ്ടിക്കുന്നതിനു നയതന്ത്ര ചര്‍ച്ചകള്‍ നടത്താന്‍ തയാറാണ് ബാന്‍ കി മൂണ്‍ വാര്‍ത്താക്കുറിപ്പില്‍ വ്യക്തമാക്കി.


അതിനിടെ, നിയന്ത്രണ രേഖയില്‍ പാക്കിസ്ഥാന്‍ വീണ്ടും വെടിനിര്‍ത്തല്‍ കരാര്‍ ലംഘിച്ചു. അഖ്‌നൂരിലെ പല്ലന്‍വാല സെക്ടറില്‍ ബിഎസ്എഫ് ക്യാംപുകള്‍ക്കു നേര്‍ക്ക് ഇന്നു പുലര്‍ച്ചെ വെടിവയ്പ്പുണ്ടായി. കഴിഞ്ഞ മൂന്നു ദിവസത്തിനുള്ളില്‍ ഇതു നാലാം തവണയാണ് പാക്കിസ്ഥാന്റെ ഭാഗത്തു നിന്നും വെടിനിര്‍ത്തല്‍ കരാര്‍ ലംഘനമുണ്ടാകുന്നത്. സൈന്യം ശക്തമായ തിരിച്ചടി നല്‍കി. ഇന്ത്യ നടത്തിയ പ്രത്യാക്രമണത്തിനു ശേഷം ഇതു നാലാം തവണയാണു പാക്കിസ്ഥാന്റെ ഭാഗത്തുനിന്നു വെടനിര്‍ത്തല്‍ കരാര്‍ ലംഘനമുണ്ടാകുന്നത്.

Read More >>