കൊലപാതകത്തിന് പരിശീലനം നല്‍കുന്ന സംഘടനകള്‍ കേരളത്തിലുണ്ട്; കൊലപാതകങ്ങളുടെ കാര്യത്തില്‍ രാജ്യത്ത് 17മത് സ്ഥാനത്താണ് കേരളമെന്നും മുഖ്യമന്ത്രി നിയമസഭയില്‍

ഫലപ്രദമായി എങ്ങനെ കൊലപാതകം നടത്താം എന്ന് പരിശീലനം നല്‍കുന്ന ചില സംഘടനകള്‍ കേരളത്തില്‍ പ്രവര്‍ത്തിക്കുന്നുണ്ടെന്നും രാഷ്ട്രീയ പാര്‍ട്ടികളുടെ യോഗം വിളിച്ചത് കൊണ്ടുമാത്രം അവരുടെ കൊലപാതകങ്ങളെ ഇല്ലാതാക്കാന്‍ കഴിയില്ലെന്നും അദ്ദേഹം പറഞ്ഞു.

കൊലപാതകത്തിന് പരിശീലനം നല്‍കുന്ന സംഘടനകള്‍ കേരളത്തിലുണ്ട്; കൊലപാതകങ്ങളുടെ കാര്യത്തില്‍ രാജ്യത്ത് 17മത് സ്ഥാനത്താണ് കേരളമെന്നും മുഖ്യമന്ത്രി നിയമസഭയില്‍

പതിനാലാം നിയമസഭയുടെ രണ്ടാം സമ്മേളനത്തില്‍ ആര്‍എസ്എസിനെയും എന്‍ഡിഎയേയും കടന്നാക്രമിച്ച് നിയമസഭയില്‍ മുഖ്യമന്ത്രി പിണറായി വിജയന്‍. കൊലപാതകത്തിന് പരിശീലനം നല്‍കുന്ന സംഘടനകള്‍ കേരളത്തിലുണ്ടെന്നും കൊലപാതകങ്ങളുടെ കാര്യത്തില്‍ രാജ്യത്ത് സംസ്ഥാനം 17മത് സ്ഥാനത്താണെന്നും അദ്ദേഹം പറഞ്ഞു. നിയമസഭയിലെ ചോദ്യോത്തരവേളയില്‍ പ്രതിപക്ഷ നേതാവ് രമേശ് ചെന്നിത്തലയുടെ ചോദ്യങ്ങള്‍ക്ക് മറുപടി പറയുകയായിരുന്നു അദ്ദേഹം.

ഫലപ്രദമായി എങ്ങനെ കൊലപാതകം നടത്താം എന്ന് പരിശീലനം നല്‍കുന്ന ചില സംഘടനകള്‍ കേരളത്തില്‍ പ്രവര്‍ത്തിക്കുന്നുണ്ടെന്നും രാഷ്ട്രീയ പാര്‍ട്ടികളുടെ യോഗം വിളിച്ചത് കൊണ്ടുമാത്രം അവരുടെ കൊലപാതകങ്ങളെ ഇല്ലാതാക്കാന്‍ കഴിയില്ലെന്നും അദ്ദേഹം പറഞ്ഞു. കര്‍ക്കശമായ നിയമനടപടികള്‍ അതിനാവശ്യമാണ്. കൊലപാതകങ്ങളെ പ്രോത്സാഹിപ്പിക്കുന്നവരാണ് രാഷ്ട്രീയ പാര്‍ട്ടികളെന്ന് താന്‍ കരുതുന്നില്ലെന്നും അദ്ദേഹം സൂചിപ്പിച്ചു.


എന്നാല്‍ കൊലപാതകത്തിന് പരിശീലനം നല്‍കുന്ന സംഘടനകള്‍ നേതൃത്വം നല്‍കുന്ന രാഷ്ട്രീയ പാര്‍ട്ടികള്‍ കേരളത്തിലുണ്ടെന്നുള്ളത് ഇക്കാര്യത്തില്‍ വ്യത്യതത വരുത്തുന്നുണ്ടെന്നും പിണറായി ചൂണ്ടിക്കാട്ടി. കൊലപാതകങ്ങളെ കൊലപാതകങ്ങളായി തന്നെയാണ് കാണുന്നതെന്നു പറഞ്ഞ അദ്ദേഹം ഈ വര്‍ഷം 334 കൊലപാതകങ്ങള്‍ റിപ്പോര്‍ട്ട് ചെയ്തിട്ടുണ്ടെന്നും സൂചിപ്പിച്ചു.

സംസ്ഥാനത്തുടനീളം രാഷ്ട്രീയ കൊലപാതകങ്ങളുമായി ബന്ധപ്പെട്ട് മുഖ്യമന്ത്രി തുടരുന്ന മൗനം ഗൗരവതരമാണെന്ന് രമേശ് ചെന്നിത്തല ചോദ്യോത്തരവേളയില്‍ ചൂണ്ടിക്കാട്ടിയിരുന്നു.

മാണി യുഡിഎഫ് മുന്നണി വിട്ടതിനുശേഷം നിയമസഭയില്‍ പ്രത്യേക ബ്ലോക്കായി ഇരിക്കുമെന്ന് പ്രഖ്യാപിച്ചതിനുശേഷമുളള ആദ്യ സമ്മേളനം കൂടിയാണ് ഇപ്പോള്‍ നടക്കുന്നത്. സഭയില്‍ ബിജെപിക്ക് ശേഷമാണ് കേരള കോണ്‍ഗ്രസ് എംഎല്‍എമാര്‍ക്ക് സീറ്റുകള്‍ ക്രമീകരിച്ചിരിക്കുന്നത്.

Read More >>