പദ്മനാഭസ്വാമി ക്ഷേത്രത്തില്‍ മോഷണം; നഷ്ടപ്പെട്ടത് അമൂല്യ രത്നങ്ങളും വജ്രങ്ങളും

ലോകത്തിലെ തന്നെ ഏറ്റവും സമ്പന്നമായ ക്ഷേത്രമായ പദ്മനാഭസ്വാമി ക്ഷേത്രത്തില്‍ നിന്ന് ലക്ഷങ്ങള്‍ വിലവരുന്ന അമൂല്യ രത്നങ്ങളും വജ്രങ്ങളും മോഷണം പോയി.

പദ്മനാഭസ്വാമി ക്ഷേത്രത്തില്‍ മോഷണം; നഷ്ടപ്പെട്ടത് അമൂല്യ രത്നങ്ങളും വജ്രങ്ങളും

ലോകത്തിലെ തന്നെ ഏറ്റവും സമ്പന്നമായ ക്ഷേത്രമായ പദ്മനാഭസ്വാമി ക്ഷേത്രത്തില്‍ നിന്ന് ലക്ഷങ്ങള്‍ വിലവരുന്ന അമൂല്യ രത്നങ്ങളും വജ്രങ്ങളും മോഷണം പോയി. ക്ഷേത്രത്തില്‍ നിത്യ പൂജയ്‍ക്ക് ഉപയോഗിക്കുന്നതും പെരിയ നമ്പിയുടെ മാത്രം കൈവശം ഇരിക്കുന്നതുമായ ആഭരണ ശേഖരത്തിലാണ് തിരിമറി നടന്നിരിക്കുന്നത്.ഇഎഫ് നിലവറകളില്‍ സൂക്ഷിച്ച അമൂല്യ നിധികളില്‍ ചിലതാണ് നഷ്‌ടമായത്. മുതല്‍പടി കണക്കെടുപ്പും അന്വേഷണവും പൂര്‍ത്തിയാക്കിയ ശേഷം പൊലീസ് കേസ് രജിസ്റ്റര്‍ ചെയ്യാനാണ് തീരുമാനം.


സ്വര്‍ണ്ണപ്പൂക്കളുള്ള ജമന്തിമാലയില്‍ കോര്‍ത്ത സ്‌ഫടിക കല്ല്, മാണിക്യമാലയിലെ മരതകം, 212 വജ്രക്കല്ല് പതിച്ച ലോക്കറ്റിലെ ഒന്‍പത് വജ്രക്കല്ല്, സ്വര്‍ണ്ണ കിരീടത്തില്‍ പതിച്ച മാണിക്യ കല്ല്‌ തുടങ്ങി അമൂല്യമായ ഒട്ടേറെ ഇനങ്ങള്‍ കാണാതായി. 2013-16 കാലയളവിലാണ് ഇത് നഷ്‌ടപ്പെട്ടതെന്നും സൂചനയുണ്ട്.

വിദഗ്ധ പരിശോധനയില്‍ ഒന്‍പത് വജ്രക്കല്ലുകള്‍ക്ക് മാത്രം  22 ലക്ഷം രൂപയോളം വിലവരും. പുരാവസ്തു മൂല്യം കണക്കാക്കിയാല്‍ ഇത് ഇനിയും കൂടുമെന്നാണ്  വിലയിരുത്തല്‍.

Read More >>