അഞ്ചുനേരത്തെ ബാങ്ക് വിളി നായയുടെ കുരപോലെ; ഇതരമതങ്ങള്‍ക്കെതിരെ വിവാദ പരാമര്‍ശവുമായി ബാലകൃഷ്ണപിള്ള

പത്ത് മുസ്ലിംകളോ, ക്രൈസ്തവരോ ഒരിടത്ത് താമസിച്ചാല്‍ അവരവിടെ പള്ളി പണിയുമെന്നുള്ള കാര്യം തീര്‍ച്ചയാണെന്നും പിള്ള പറഞ്ഞു. പണ്ട് ഒരു പ്രദേശത്ത് ഒരു ക്രിസ്ത്യന്‍ പള്ളി മാത്രമെ ഉണ്ടായിരുന്നുള്ളു.എന്നാല്‍ ഇന്ന് എവിടെ നോക്കിയാലും പള്ളികളേയുള്ളുവെന്നും അദ്ദേഹം സൂചിപ്പിച്ചു.

അഞ്ചുനേരത്തെ ബാങ്ക് വിളി നായയുടെ കുരപോലെ; ഇതരമതങ്ങള്‍ക്കെതിരെ വിവാദ പരാമര്‍ശവുമായി ബാലകൃഷ്ണപിള്ള

ഇതര മതങ്ങളെ അടിച്ചാക്ഷേപിച്ചുള്ള പരാമര്‍ശങ്ങളുമായി കേരള കോണ്‍ഗ്രസ് (ബി) ചെയര്‍മാനും മുന്‍ മന്ത്രിയുമായ ബി.ബാലകൃഷ്ണപിള്ളയുടെ പ്രസംഗം. കമുകുംചേരിയില്‍ എന്‍എസ്എസ് കരയോഗത്തിന്റെ വാര്‍ഷിക പൊതുയോഗത്തില്‍ സംസാരിക്കവെയാണ് ന്യൂനപക്ഷങ്ങളെ അവഹേളിച്ച് പിള്ള രംഗത്തെത്തിയത്.

താന്‍ തിരുവനന്തപുരത്ത് പോയാല്‍ സാധാരണ പാര്‍ട്ടി ഓഫിസിലാണ് തങ്ങുന്നത്. അവിടെ അടുത്തൊരു പള്ളി കൊണ്ടുവെച്ച് ബാങ്ക് വിളിക്കുന്നുണ്ട്. നായയുടെ കുരപോലെ തന്നെയാണ് അവിടെ അഞ്ചുനേരവും ബാങ്ക് വിളി. ഇത് കേട്ടാല്‍ ഉറങ്ങാന്‍ പറ്റില്ല. ബാങ്ക് വിളിക്കുമ്പോള്‍ സമീപത്തെ മറ്റ് ദേവാലയങ്ങളിലെ മൈക്ക് ഓഫാക്കി കൊടുക്കണമെന്നുള്ളതാണ് രീതി- ബാലകൃഷ്ണപിള്ള പറയുന്നു.


പത്ത് മുസ്ലിംകളോ, ക്രൈസ്തവരോ ഒരിടത്ത് താമസിച്ചാല്‍ അവരവിടെ പള്ളി പണിയുമെന്നുള്ള കാര്യം തീര്‍ച്ചയാണെന്നും പിള്ള പറഞ്ഞു. പണ്ട് ഒരു പ്രദേശത്ത് ഒരു ക്രിസ്ത്യന്‍ പള്ളി മാത്രമെ ഉണ്ടായിരുന്നുള്ളു.എന്നാല്‍ ഇന്ന് എവിടെ നോക്കിയാലും പള്ളികളേയുള്ളുവെന്നും അദ്ദേഹം സൂചിപ്പിച്ചു.

ശബരിമല വിഷയത്തില്‍ തന്ത്രിമാരും ആചാര്യന്മാരും പറഞ്ഞ കാര്യം ശരിയല്ലെന്ന് ജഡ്ജി കൂര്യന്‍ തോമസ് പറഞ്ഞാല്‍ അതും ശരിയാകില്ലെന്നും അദ്ദേഹം പറഞ്ഞു. മുസ്ലിം യുവതികളെ പള്ളിയില്‍ കയറ്റാതിരിക്കുന്നത് ശരിയാണോ? അങ്ങനെ കയറിയാല്‍ കഴുത്തറുക്കുകയാണ് പതിവ്. .വിശ്വാസത്തിനുവേണ്ടി കഴുത്തറക്കുകയാണിപ്പോള്‍ അവര്‍ ചെയ്യുന്നതെന്നും ബാലകൃഷ്ണപിള്ള സൂചിപ്പിച്ചു.

Read More >>