ഭാര്യമാരെ എങ്ങിനെ മര്‍ദ്ദിക്കാം എന്ന് ഭര്‍ത്താക്കന്‍മാരെ പഠിപ്പിക്കുന്ന വീഡിയോ സൗദി അറേബ്യ പുറത്തു വിട്ടു

ഭാര്യമാരെ ഏതെല്ലാം വിധത്തില്‍ മര്‍ദ്ദിക്കാം എന്ന് ഒരു ഡോക്ടര്‍ വിശദീകരിക്കുന്ന വിധത്തിലാണ് വീഡിയോ ഒരുക്കിയിരിക്കുന്നത്. തെറാപ്പി സ്‌പെഷ്യലിസ്റ്റായ ഖാലിദ് അല്‍ സാഖ്ബിയാണ് മര്‍ദ്ദിക്കുന്നതിനെ കുറിച്ച് ക്ലാസെടുക്കുന്നത്

ഭാര്യമാരെ എങ്ങിനെ മര്‍ദ്ദിക്കാം എന്ന് ഭര്‍ത്താക്കന്‍മാരെ പഠിപ്പിക്കുന്ന വീഡിയോ സൗദി അറേബ്യ പുറത്തു വിട്ടു

ഭാര്യമാരെ മര്‍ദ്ദിക്കാന്‍ ഭര്‍ത്താക്കന്‍മാരെ പഠിപ്പിക്കുന്ന വീഡിയോ സൗദി അറേബ്യ പുറത്തു വിട്ടു. ദേശീയ ടെലിവിഷന്‍ വഴിയാണ് വീഡിയോ സംപ്രേഷണം ചെയ്തത്. കഴിഞ്ഞ ഫെബ്രുവരിയിലാണ് വീഡിയോ സംപ്രേഷണം ചെയ്തത്. സൗദി ഭരണകൂടത്തിന്റെ അനുമതിയോടെയാണ് ദേശീയ ടെലിവിഷന്‍ വഴി വീഡിയോ സംപ്രേഷണം ചെയ്തിരിക്കുന്നത്.

ഭാര്യമാരെ ഏതെല്ലാം വിധത്തില്‍ മര്‍ദ്ദിക്കാം എന്ന് ഒരു ഡോക്ടര്‍ വിശദീകരിക്കുന്ന വിധത്തിലാണ് വീഡിയോ ഒരുക്കിയിരിക്കുന്നത്. തെറാപ്പി സ്‌പെഷ്യലിസ്റ്റായ ഖാലിദ് അല്‍ സാഖ്ബിയാണ് മര്‍ദ്ദിക്കുന്നതിനെ കുറിച്ച് ക്ലാസെടുക്കുന്നത്. വിവാഹ ജീവിതത്തില്‍ സമത്വം എന്നൊന്നില്ലെന്നും വീട് ഭരിക്കുന്നത് പുരുഷനാണെന്നും സാഖ്ബി വിശദീകരിക്കുന്നു.


അല്ലാഹു നിര്‍ദ്ദേശിച്ച കര്‍ത്തവ്യങ്ങളെ കുറിച്ച് ഭാര്യമാരെ ഓര്‍മ്മിപ്പിക്കുന്നതാണ് വീഡിയോയിലെ ആദ്യ ഭാഗം. കിടപ്പറയില്‍ ഭാര്യമാരോട് പെരുമാറുന്നതിനെ കുറിച്ചാണ് രണ്ടാം ഭാഗത്തില്‍ പറയുന്നത്. മൂന്നാം ഭാഗത്തിലാണ് മര്‍ദ്ദിത്തുന്നതിനെ കുറിച്ച പറയുന്നത്. ഇരുമ്പ് ദണ്ഡ്, മൂര്‍ച്ചയുള്ള വസ്തുക്കള്‍ എന്നിവ ഉപയോഗിച്ച് ഭാര്യമാരെ മര്‍ദ്ദിക്കരുതെന്നും ഡോക്ടര്‍ ഉപദേശിക്കുന്നുണ്ട്. ഭാര്യമാരെ മര്‍ദ്ദിക്കാന്‍ താന്‍ ഉപദേശിച്ച വഴി തന്നെ എപ്പോഴും പിന്തുടരേണ്ടെന്നും ഭാര്യമാര്‍ ചെയ്യുന്ന തെറ്റുകള്‍ക്ക് അനുസരിച്ച് ഭര്‍ത്താക്കാന്‍മാര്‍ക്ക് തന്നെ ശിക്ഷ വിധിക്കാമെന്നും വീഡിയോ പറയുന്നു. ഭര്‍ത്താക്കന്‍മാരെ പ്രകോപിപ്പിക്കുന്നതാണ് ഭാര്യമാരാണെന്നും വീഡിയോ കുറ്റപ്പെടുത്തുന്നു.
സൗദി അറേബ്യയില്‍ വീഡിയോ സംപ്രേഷണം ചെയ്ത ശേഷം അമേരിക്കയിലും വീഡിയോ പുറത്ത് വിട്ടിട്ടുണ്ട്. വാഷിംഗ്ടണിലെ മിഡില്‍ ഈസ്റ്റ് മീഡിയ റിസര്‍ച്ച് ഇന്‍സ്റ്റിറ്റ്യൂട്ട് വഴി കഴിഞ്ഞ മാസമാണ് വീഡിയോ റിലീസ് ചെയ്തത്. ഇതിനോടകം തന്നെ വനിതാ സംഘടനകള്‍ വീഡിയോയ്ക്ക് എതിരം രംഗത്തെത്തി കഴിഞ്ഞു.

https://www.youtube.com/watch?v=C9bRjK464Uw

Read More >>