മോഹന്‍ലാലിന്റെ തെലുങ്ക് ചിത്രം 'ജനതാ ഗാരേജി'ന്റെ പോസ്റ്റര്‍ പുറത്തുവിട്ടു

നൂറ് കോടി ബജറ്റിലൊരുങ്ങുന്ന 'ജനതാ ഗാരേജ്' തെലുങ്ക് സിനിമാലോകം ഈ വര്ഷം ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ്

മോഹന്‍ലാലിന്റെ തെലുങ്ക്  ചിത്രം

മോഹന്‍ലാല്‍ നായകതുല്ല്യമായ  കഥാപാത്രത്തെ അവതരിപ്പിക്കുന്ന, ജൂനിയര്‍ എന്‍ ടി ആര്‍ നായകനാകുന്ന തെലുങ്ക് ചിത്രം 'ജനതാ ഗാരേജി'ന്റെ പോസ്റ്റര്‍ പുറത്തുവിട്ടു. മോഹന്‍ലാലിന്‍റെ അമ്പത്തിയാറാം ജന്മദിനമായ  മെയ്‌ 21-നാണ് പോസ്റ്റര്‍ റിലീസ് ചെയ്തത്. ചിത്രത്തിന്റെ ആദ്യ പോസ്ട് എന്‍ടിആറിന്റെ പിറന്നാള്‍ ദിനമായ 19-ന് പുറത്തുവിട്ടിരുന്നു.

നൂറ് കോടി ബജറ്റിലൊരുങ്ങുന്ന 'ജനതാ ഗാരേജ്' തെലുങ്ക് സിനിമാലോകം ഈ വര്ഷം ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ്. കൊരട്ടല ശിവയാണ് ചിത്രം സംവിധാനം ചെയ്യുന്നത്. നടന്‍ ഉണ്ണി മുകുന്ദനാണ് ചിത്രത്തില്‍ ഒരു ശ്രദ്ധേയ കഥാപാത്രത്തെ അവതരിപ്പിക്കുന്നു. സാമന്തയും നിത്യ മേനനുമാണ് ചിത്രത്തിലെ  നായികമാര്‍. തെലുങ്കിനൊപ്പം മലയാളത്തിലും തമിഴിലുമായാകും ചിത്രം ഒരേസമയം പ്രദര്‍ശനത്തിനെത്തും.





Read More >>