പരവൂര്‍ വെടിക്കെട്ട് ദുരന്തം: സ്‌ഫോടക വസ്തുക്കള്‍ക്കായി വ്യാപക റെയ്ഡ്

കൊല്ലം: പരവൂര്‍ പൂറ്റിങ്ങല്‍ ക്ഷേത്രത്തിലുണ്ടായ കമ്പക്കെട്ട് അപകടത്തെ തുടര്‍ന്ന് ജില്ലയില്‍ സ്‌ഫോടക വസ്തുക്കള്‍ക്കായി വ്യാപക റെയ്ഡ്. കരാറുകാരുടെ വീടുക...

പരവൂര്‍ വെടിക്കെട്ട് ദുരന്തം: സ്‌ഫോടക വസ്തുക്കള്‍ക്കായി വ്യാപക റെയ്ഡ്

tragedy-in-Paravur-temple

കൊല്ലം: പരവൂര്‍ പൂറ്റിങ്ങല്‍ ക്ഷേത്രത്തിലുണ്ടായ കമ്പക്കെട്ട് അപകടത്തെ തുടര്‍ന്ന് ജില്ലയില്‍ സ്‌ഫോടക വസ്തുക്കള്‍ക്കായി വ്യാപക റെയ്ഡ്. കരാറുകാരുടെ വീടുകളില്‍ ഉള്‍പ്പെടെ പോലീസ് റെയ്ഡ് നടത്തി. സ്‌ഫോടക വസ്തുക്കളെ കുറിച്ച് വിവരം ലഭിക്കുകയാണെങ്കില്‍ അറിയിക്കാനും അധികൃതര്‍ ജനങ്ങളോട് അഭ്യര്‍ത്ഥിച്ചു. ഇതിനായി രണ്ട് കണ്‍ട്രോള്‍ റൂം തുറന്നിട്ടുണ്ട്.

അതേസമയം, വെടിക്കെട്ടപകടത്തെ തുടര്‍ന്ന് കരാറുകാരനെതിരേ കേസ് എടുത്തു. കഴക്കൂട്ടം സ്വദേശിയായ സുരേന്ദ്രനും മകന്‍ ഉമേഷിനുമെതിരെയാണ് കേസ്. അപകടത്തില്‍ ഗുരുതര പരിക്കേറ്റ ഉമേഷ് ചികിത്സയിലാണ്.

മനപൂര്‍വമല്ലാത്ത നരഹത്യ, സ്‌ഫോടക വസ്തു നിരോധന നിയമം എന്നിവ പ്രകാരമാണ് കേസ്. ജില്ലാ ഭരണകൂടത്തിന്റെ അനുമതിയില്ലാതെയാണ് വെടിക്കെട്ട് നടത്തിയത്. കൃഷ്ണന്‍കുട്ടി എന്ന ആളാണ് കമ്പക്കെട്ട് ഒരുക്കിയത്.

പരമ്പരാഗതമായി മത്സര കമ്പക്കെട്ട് നടത്തിയിരുന്ന ക്ഷേത്രമായിരുന്നു പുറ്റിങ്ങലിലേത്. എന്നാല്‍ മതിയായ സുരക്ഷാ മാനദണ്ഡങ്ങള്‍ പാലിക്കുന്നില്ലെന്നതിനാല്‍ ഇത്തവണ കളക്ടര്‍ അനുമതി നിഷേധിച്ചിക്കുകയായിരുന്നു.

Read More >>