മുലപ്പാല്‍ നല്‍കിയില്ലെങ്കില്‍, മക്കള്‍ സ്വവര്‍ഗ്ഗാനുരാഗികളും ഭിന്നലിംഗവുമാകും..

പോഷകാഹാരം പര്യാപ്തമല്ലാത്തതാണ് സ്വവർഗരതിക്കാരെയും, ഭിന്ന ലിംഗക്കാരെയും സൃഷ്ടിക്കുന്നതെന്ന് ഇൻഡോനേഷ്യൻ മേയർ.ഗർഭ സംബന്ധമായ സെമിനാറിൽ സംസാരിക്കുമ്പോഴാണ്,...

മുലപ്പാല്‍ നല്‍കിയില്ലെങ്കില്‍, മക്കള്‍ സ്വവര്‍ഗ്ഗാനുരാഗികളും ഭിന്നലിംഗവുമാകും..

gay images

പോഷകാഹാരം പര്യാപ്തമല്ലാത്തതാണ് സ്വവർഗരതിക്കാരെയും, ഭിന്ന ലിംഗക്കാരെയും സൃഷ്ടിക്കുന്നതെന്ന് ഇൻഡോനേഷ്യൻ മേയർ.

ഗർഭ സംബന്ധമായ സെമിനാറിൽ സംസാരിക്കുമ്പോഴാണ്, സിറ്റി മേയർ ആർ.ആരിഫ് തന്റെ അഭിപ്രായം പ്രകടിപ്പിച്ചത്.

ആരോഗ്യവും ചുറുചുറുക്കുമുള്ള കുട്ടികളെ വാർത്തെടുക്കുവാൻ അവർക്ക് സമീകൃത ആഹാരം നൽകണം, പ്രത്യേകിച്ച് മുലപ്പാലും.അല്ലെങ്കിൽ, സമൂഹത്തിൽ ലിംഗ ഭിന്നതയുള്ളവരുടെ എണ്ണം വർദ്ധിക്കുന്നതിൽ അതിശയിക്കേണ്ടതില്ല.

ഇൻഡോനേഷ്യൻ വെബ് സൈറ്റായ ഒകേസോണാണ് മേയറിന്റെ ഈ പ്രസംഗം റിപ്പോർട്ട് ചെയ്തത്.


"അള്ളാഹു മനുഷ്യനെ സൃഷ്ടിച്ചത് 'ഇണകളായിട്ടാണ്. ആദാമും ഹവ്വയുമാണ് യഥാർത്ഥ ജോഡികൾ, അല്ലാതെ ആദാമും യൗസേഫും അല്ല." മേയർ പറഞ്ഞു.

സ്വവർഗരതി ഇന്തോനേഷ്യയിൻ, നിയമാനുശാസനമാണ് എങ്കിലും പരമ്പരാഗത ചിന്താഗതി ഇന്നും രാജ്യത്ത് ശക്തിയുക്തമായി നിലനിൽക്കുന്നു എന്ന് മേയര്‍ ആരീഫിന്റെ പ്രസ്താവന ചൂണ്ടി കാണിക്കുന്നു.

ഇന്തോനേഷ്യൻ സൈക്യാട്രിസ്റ്റ് അസോസിയേഷൻ സ്വവർഗ്ഗ രതിയെ മാനസിക വൈകല്യമെന്നാണ് സമീപകാലത്ത് വിശേഷിപ്പിച്ചത്. സ്വവർഗ്ഗരതി പ്രകടിപ്പിക്കുന്നവരെ മാനസിക പ്രശ്നങ്ങൾ ഉള്ളവരെന്നും, ഭിന്ന ലിംഗക്കാരെ മാനസിക വൈകല്യമുള്ളവരെന്നും അസോസിയേന്റെ മാർഗ്ഗരേഖയിൽ വിവരിക്കുന്നു.

"ഞങ്ങൾ ഇത്തരക്കാരെ കരുതുന്നു. അവരെ കുറിച്ച് ഞങ്ങൾക്ക് പ്രയാസമുണ്ട്. ചികിൽസിക്കാതെ അവഗണിച്ചാൽ ഇത് ഒരു പൊതു അംഗീകാരം നേടിയ അവസ്ഥയായി മാറുമെന്ന്" ബോർഡംഗം സൂസി യസ്ന ദേവി പ്രതികരിച്ചു.

"ഇത്തരം വ്യക്തികളുടെ ലൈംഗീകത അവന്റെ ആസക്തിയായി മാറുന്നു. നിരന്തരമായ ഇടപെടലുകളില്ലെങ്കിൽ ഈ ആസക്തിയിൽ നിന്നും അവരെ മോചിപ്പിക്കുവാൻ കഴിയില്ല...

സ്വവർഗ്ഗ രതി നമ്മുടെ സംസ്ക്കാരത്തിന്റെ ഭാഗമല്ലെന്നും, വിദേശ സംസ്ക്കാരങ്ങൾക്ക് നമ്മൾ തല കുനിച്ചു നൽകരുതെന്നും" യസ്ന ദേവി പറഞ്ഞു.

ഇതിനിടെ,സ്വവർഗ്ഗരതി അടിസ്ഥാനമായ ഇമോജികളും സോഷ്യൽ മീഡിയയിൽ നിന്നും ഒഴിവാക്കാൻ ഇന്തോനേഷ്യൻ സർക്കാർ തീരുമാനിച്ചു.

ഒരു സോഷ്യൽ മീഡിയയിലും ഇത്തരത്തിലുള്ള പ്രോത്സാഹനങ്ങൾ ഇനിയും അനുവദിക്കുന്നതല്ലെന്നും രാജ്യത്തിന് അതിന്റെതായ മൂല്യങ്ങളും, മതപരമായ വിശ്വാസങ്ങളും ഉണ്ടെന്ന് വാർത്ത വിനിമയ വകുപ്പ് മന്ത്രി അസ്ഹര്‍ ഹാഷിം പ്രതികരിച്ചു.